TrolText

Unser Tagebuch

8. Oktober 2015

Wås derf ma?

Derf ma nåchn Oimabtrieb und nåch die Oktoberfestln a a Tiroler T-Shirt trågn? Koaner woaß genau die Antwort drauf! Und derfn Deitsche, Franzosn und Holländer a a Original Tiroler Leiwä trågn? Koaner woaß´s genau! Etz håbt´s amoi iwan Winter Zeit zum Nachdenkn!

 

10. Juli 2015

Start der Webseite

Der Webshop is nåch a paar Tests live. Alle Texte uglegt, alle Artikel uglegt, alle Fotos drauf. Etz geht´s ans Marketing und soziale Netzwerkn!

 

2. Juli 2015

Server abg´racht!

Super, etz sen alle Leiwä fotographiert, åber nu ned gsichert und dann des: bei insan Server hat´s zwoa Festplattn gleichzeitig putzt, alle ned gsicherten Daten weg. Unter anderem an de ganzn Detailsfotos vo de Leiwä. Kurzfristig umdisponiert: alle Leiwä als stilisierte Fotos an Webshop auffilådn.

 

30. Juni 2015

Fototermin

Heut is Fotoshooting mitn Manuel Brandstätter vo Lambdaphotography und de Leut vo Be Twisted beim Rechn in da Brandenberger Achn in Kramsach. 

 

23. Juni 2015

De Leiwä sen do!

Zwoa gruasse Schachteln sen ukemma! Alle Leiwä wean auf Druckfehler und Materialfehler kontrolliert. Dånn miassn alle Leiwä pro Logo und pro Fårb auf Puppn fotografiert wean. Åber die Drucke sen wirklich super. De Farbn vo de Leiwä a.

De Schachteln mid de T-Shirts sen daManderleut leiwäWeibrleut Leiwä

 

11. Juni 2015

T-Shirts in Auftrag gegeben

Gsuacht håb ma länger nåch Lieferanten für die neuen Leiwä. Entschiedn håbn mia ins dann für Stanley & Stella. Muster bstellt, jeds Leiwä mindestens 30 moi g´waschn, schaugn wia dann die Passform is. Mehra Leut håbn de uprobiert. Dann da Druck: bei promoteXx håbn ma Leiwä mid Musterdruckn kriagt. De a 30 moi g´waschn. A danach sen de Farbn wirklich super. Mid Musterdruckn Leiwä bei an gruassn Internet-Leiwä-Drucker b´stellt. Oamoi gwaschn, Druck nimma schea. Und dann die Entscheidung, welche Logos lass ma druckn. A Lookbook g´macht und im Freundeskreis verteilt und beurteiln låssn. A die Steffi und die Theresa låssn ihren Freundeskreis beurteiln. Und dånn is soweit. De Leiwä b´stellt und die Drucklogos an die Druckerei g´schickt. Etz geht´s ans Warten.


2. Juni 2015

Den noin Webshop in Auftrag gebn!

Etz is soweit, des T-Shirt druckn steht bevua, åber zum Verkaffn brauch ma a nu an noin Onlineshop. Des oiss nembei, in der Huachsaison für die anderen Webshops. Die Nächte etz sen scho ziemlich lang. Unterm Tag für die laufenden Projekte arbeitn, gschnochts dann mindestens 2-3 Moi in da Wochn für T-rol. T-shirt-Logos entwerfn, Webshop Layout entwerfn. Und heut håbn ma den noin Webshop b´stellt!


2. Februar 2015

Start für a nois Projekt

A paar Monat håts braucht zum Reifen vo dea Idee. Ma schaug si u, wia kunnt denn da Markt sei in Tirol. Rescherschiern im Internet, wea biat nu so eppas u. Gfundn håb i mehra: Andreas Hofer Leiwä, Dem Land Tirol die Treue Shop, Echtes Tiroler Grauvieh, Tiroler Bergziege usw. usw. Åber des wås i mecht, is eigentlich ned dabei. Leiwä mid Mundartsprüch und Mundtartausdrücken, mid an gscheidn Design, vielleicht a wia Konzertleiwä, spritzig und jung. Und dånn muass ma si überlegn, wia geh i des u: Businessplan oder besser auf Tirolerisch Gschäftsplan, Mundart-Biacha kaffn, im Internet nåch Tiroler Mundart suachn. Dabei auf so Såchn draufkemma wia: echte eigenständige Tiroler Mundartausdrücke gibt´s fast nur für schlechte Eigenschaftn, fast nix fia guate Eigenschaften. Wia teil i des auf, wiavü positive und wiavü negative Ausdrücke? Zwoa gånze Notizblöck voi mid Sprüch und scho mid de easchtn Entwürfe auf Papier. Farbn kaffn, Filzstift kaffn usw. usw. 

Easchte Mundartausdrücke suachn Easchte Entwürfe

20. Oktober 2014 - Freiburger Bruggn in Innsbruck

Die easchte Idee

I wår mid an Freund vo mia essen in Innsbruck und beim Diskutiern håm ma a iwa Leiwä gsprochn, weil i friaga scho ab und zua Leiwä druckn håb lassn. Und nåch dem Essn bin I iwa die Freiburger Bruggn gånga und håb ma denkt, des war eppas. Eppas selber produzierts, ned vo andere Hersteller einkafft, nachhaltig und fair produziert, echte Natur mid Biobauwolle usw. Wia kunnt so eppas hoassn. T-Shirt Tirol, Tiroler usw. Und dånn is ma gschossn: T-rol. Und etz schaugn ma amoi, wia sie die Idee entwickelt.